Amanate Crita Wayang, Anoman Duta

A.    Amanat utawa pitutur luhur crita wayang Ramayana, Anoman Duta (Marsudi Basa, kaca 2),  migunakake basa Ngoko lugu:

Amanate Crita Wayang, Anoman Duta

1.      Yen entuk piweling saka garwa/ wong tuwa/sedulur becike digatekake, aja dilanggar.

2.      Nalika ngadhepi perkara, bisa dilakoni kanthi golek sisik melik dhisik aja langsung gawe keputusan sing ora wicaksana.

3.      Menawa duwe pepinginan kang dhuwur kudu gelem ikhtiyar kanthi greged kang temenana.

4.      Aja gampang kepencut karo barang sing gebyare apik amarga barang mau durung mesthi mupangati.

5.      Dadia wong kang kendel mbelani bebener lan seneng tetulung karo wong liya sing butuh bantuan.

6.      Nalika diparingi tugas becike ditandangi kanthi tanggungjawab, aja nyepelekake.

7.      Nalika ngadhepi prakara kang gedhe/abot aja gampang nglokro, adhepana kanthi tatag lan tanggon.

8.      Percayaa, kabeh perkara mbuh gedhe/abot yen diadhepi kanthi sabar bakal ana rampunge.

9.      Nyontoa watake Anoman sing kasatriya, tatag, tanggon, lan tanggungjawab marang apa sing dadi tugase/jejibahane.

10.   Sapa sing luput suwe-suwe bakal seleh/kalah.

11.   Nalika tumindak ala/culika konangan becike ngakoni kaluputane, banjur njaluk ngapura. Sukur gelem janji ora arep mbaleni maneh kaluputane mau.

12.   Aja klalen tansah ndonga nyuwun keslametane marang Gusti Allah, supaya diparingi gampang olehe ngadhepi prakara.

13.   Yen kepeksa kudu menehi ukuman marang wong kang gawe kaluputan, iya sing samadya wae, sing penting wis trep karo kaluputane.

14.   Aja gampang pracaya karo wong sing durung patia dikenal. Dhewe kudu ngati-ati karo bab-bab sing katone nyalawadi/mbebayani.

15.   Yen ana barang sing ilang, kudu digoleki nganti ketemu. Apa maneh kuwi bojo/sedulur sing ilang

kudu enggal digoleki nganti ketemu.

 

B.     Amanat utawa pitutur luhur crita wayang Ramayana, Anoman Duta, migunakake basa Krama:

1.      Menawi dipunweling kaliyan garwa/tiyang sepuh/sedherek prayoginiun dipungatosaken, ampun dilanggar.

2.      Nalika ngadhepi prekawis, saged dilampahi kanthi pados sisik melik rumiyin, ampun gampil damel keputusan amargi ora bakal wicaksana.

3.      Menawi gadha idham-idhaman ingkang inggil, kita kedah purun ikhtiyar kanthi greged lan sengkut. Ampun ngantos gampil kepencut  kaliyan  barang ingkang gebyare sae amargi barang kasebat dereng mesthi mupangati.

4.      Dadosa tiyang ingkang kendel mbelani bebener lan remen tetulung dhateng tiyang sanes ingkang mbetahaken pitulungan.

5.      Nalika dipunparingi tugas saenipun dipunlampahi kanthi tanggeljawab, ampun nyepelekaken.

6.      Nalika ngadhepi prekawis ingkang ageng/awrat ampun gampil nglokro, dipunadhepi kanthi tatag lan tanggon.

7.      Pitadosa, sedaya prekawis menika temtu wonten rampungipun menawi dipunlampahi.

8.      Nuladhaa watakipun  Anoman ingkang kasatriya, tatag, tanggon, lan tanggungjawab dhateng menapa kemawon ingkang dados kwajibanipun.

9.      Sinten ingkang lepat dangu-dangu badhe ketingal, sinten ingkang luput pungkasane bakal seleh/kalah.

10.   Nalika tumindak awon/culika konangan saenipun ngakoni kaluputanipun, lajeng nyuwun ngapura. Sukur purun  janji boten badhe nglampahi malih.

11.   Ampun kesupen anggenipun ndedonga nyuwun keslametan,  supados dipunparingi gampil anggenipun ngadhepi prekawis.

12.   Menawi kepeksa kedah maringi ukuman, dipunpilih ingkang trep kalih kaluputanipun.

13.   Ampun gampil pitados kalih tiyang ingkang dereng patiya tepang.

14.   Kita kedah ngatos-ngatos kalih bab-bab ingkang ketingalipun yalawadi/mbebayani.

15.   Menawi kagungan barang ingkang ical, kedahipun dipunpadosi ngantos kepanggih.