Crita Legenda

-

 Crita Legenda

Apa Legenda iku?

Legenda yaiku dongeng kang nyritakake dumadine sawijining papan utawa panggonan. Legenda kalebu crita fiksi jalaran critane direka-reka anane, utawa ngayawara. Senajan mangkono, dongeng legenda sakjane wis ana kawit biyen, sumebar kanthi turun-tumurun. Dening masarakat crita legenda dianggep bener lan dipercaya kedadeyane. Isine ngemot piwulang becik utawa pitutur kang migunani tumrap sapa wae. Pitutur kang bisa dituladha kanggo nggladhi kapribaden kang utama.

Titikane utawa Lengere Legenda :

a. Anonim, ora dimangerteni sapa sejatine sing nganggit.

b. Kalebu karya kolektif, dianggep duweke wong akeh, diduweni bareng-bareng

c. Statis, critane ajeg, ora ana owah-owahan saka jaman biyen tekan saiki.

d. Imajiner, nggambarake kedadeyan kang mokal (ora klebu ing nalar) anane.

e. Ngemu tuladha, nyritakake bab alan lan becik supaya padha dimangerteni. Sing apik diconto, sing ala dadi pepiling aja ditiru.

Jinine Legenda, kaperang ana papat :

1. Legenda Keagamaan yaiku legenda kang ngandharake crita para tokoh agama kayata walisanga.

2. Legenda Alam Ghoib kang awujud crita tahayul kanggo ngandharake menawa alam ghoib kuwi pancen ana.

3. Legenda Pawongan yaiku nyitakake wong-wong tertamtu kang kaanggep nyata kadadeyane, upamane Rara Mendut.

4. Legenda sawijining papan yaiku legenda kang ana gegayutane karo papan utawa panggonan.

Paedahe/Mupangate Crita Legenda:

1. Rekreatif yaiku menehi rasa tentrem, seneng uga bisa kanggo hiburan.

2. Didaktif yaiku bisa kanggo dhidhik siswa dadi bener lan becik

3. Estetis yaiku ngemot nilai-nilai kaendahan

4. Moralitas yaiku ngandhut nilai-nilai moral saengga siswa dadi nduweni moral kang becik

5. Religius yaiku ngandhut ajaraning agama kang bisa didadekake tuladha kanggo sing padha maca.

Unsur Intrinsik Legenda

Yaiku unsur/perangan saka njero sing bisa mangun crita dadi apik lan ganep, kang dumadi saka:

Tema, paraga, watake paraga, setting/latar, alut/plot, sudut pandang, lan amanat/pitutur luhur.

Tuladha Legenda :

1. Asal-Usule Tlaga Menjer

2. Dumadine Kawah Sikidang

3. Dumadina Kutha Wonosobo

4. Asal-Usule Desa Garung

5. Mula-Bukane Tlaga Warna

6. Tlaga Pangilon

7. Asal-Usule Gunung Sindoro-Sumbing

8. Umbul Suradilaga

9. Candhi Arjuna

10. Dumadine Desa Andongsili

11. Asal-Usule Kawah Sikidang

Gladhen :

Critakna legenda kang ana ing sakiwa tengene omahmu sing kok ngerteni nganggo basa ngoko alus!


Komentar

Posting Komentar

Postingan populer dari blog ini

Tembang Dhandhanggula kanggo SMP kelas IX

-
Gambar
  Tembang Dhandhanggula kanggo SMP kelas IX Dening Eko Hastuti   Tembang Dhandhanggula Tembang Dhandhanggula iku salah sijine tembang Macapat kang kaemot ing Serat Wulangreh anggitane Sri Pakubuwana IV, raja ing Surakarta. Panjenengane miyos/lair tanggal 2 September 1768 lan seda yuswa 53 taun, ngepasi tanggal 2 Oktober 1820. Serat Wulangreh arupa tembang Macapat kang dumadi saka 13 pupuh, yaiku Dhandhanggula, Kinanthi, Gambuh, Pangkur, Maskumambang, Megatruh, Durma, Pocung, Mijil, Asmarandana, Sinom, Wirangrong, lan Girisa. Pupuh loro sing pungkasan iku kalebu tembang Tengahan. Saben pupuh tembang, ngemot isi piwulang utama, pitutur utawa pitedah kang pantes dadi tepa tuladha, dadi paugeran wong ngaurip. Wulang reh saka tembung wulang tegese ajaran, dene reh asale saka reh-rehan utawa bawahan. Dadi wulangreh mengku teges ajaran saka panguwasa marang reh-rehan/bawahan. Ing wektu iki, bisa ditegesi piwulang kanggo masarakat. Tembang Dhandhanggula isine bab cara milih guru utawa wi
Baca selengkapnya

Amanate tembang Dhandhanggula

-
Gambar
  Amanate tembang Dhandhanggula Amanate tembang Dhandhanggula pada 1-4: Sing dimaksud amanat yaiku pitutur luhur utawa piwulang minangka piweling sing padha maca tembang Dhandhanggula kanggo nggladhi kapribadhen luhur. Pada 1 : 1.      Senajan angel yen gelem sinau lan gladhen, suwe-suwe bakal pinter/trampil. 2.      Aja wedi kangelan yen kepingin uripe mulya 3.      Nalika sinau ora usah isin utawa wedi diece wong liya, tetepa greged ben kasil. 4.      Nalika diece wong liya, tambaha gregedmu supaya tambah pinter lan saya maju. 5.      Barang kang kayane abot/angel, menawa tetep greged olehe nyinau, bakal sukses. Pada 2 : 1.      Ora kena ngece wong liya sing lagi ikhtiyar/ prihatin nggayuh pepinginan/gegayuhan. 2.      Becike dhewe kudu mangerteni pralambange urip supaya slamet. 3.      Yen kepingin urip tentrem kudu bisa mangerteni isyarat/tandha-tandha sing ana sakiwa tengene dhewe. 4.      Aja rumangsa pinter yen sejatine durung bisa/ora ngerti/ ora mudheng
Baca selengkapnya

Crita Wayang migunakake basa Ngoko Alus lan Krama Alus : Anoman Duta

-
Gambar
Crita Wayang migunakake basa Ngoko Alus   Anoman Duta Wayang Anoman Duta Anoman rewanda seta minangka dutaning Prabu Rama kang diutus supaya golek sisik melik ana ngendi papane Dewi Sinta sawise didhusta dening Rahwana. Miturut pawarta saka Jathayu, Dewi Sinta kadhusta dening Rahwana lan digawa menyang nagara Alengka. Anoman iku sawijining rewanda kang wulune sarwa pethak, putra saka Dewi Anjani lan Dewa Bayu, mula dheweke sekti mandraguna.             Anggone njujug menyang Alengka, Anoman mabur ing gegana lan bisa nyabrang samudra. Sawise tekan negara Alengka, Anoman banjur tumuju ing Taman Asoka. Ing sajroning taman, Dewi Sinta katon nandhang sungkawa, amarga tansah kelingan marang sang garwa yaiku Prabu Rama. Anoman banjur manggihi Dewi Sinta lan kandha menawa dheweke dhutaning Prabu Rama. Anoman banjur ngaturake kalpika sotya ludira.             Dewi Sinta bungah banget lan maringake susuk kondhene marang Anoman minangka pratandha menawa piyambake tansah ngantu-antu rawuhe s
Baca selengkapnya