Latihan Soal bab Wayang, “Anoman Duta”

 

Latihan Soal bab Wayang, “Anoman Duta”

I.                 (Pilihan Ganda Kompleks)

Pilihen jawaban loro sing kokanggep bener!

 

1.     Anoman rewandaseta minangka dhutaning Prabu Rama kang diutus supaya golek sisik melik ana ngendi papane Dewi Sinta sawise didhusta dening Rahwana. Miturut pawarta saka Jathayu, Sinta digawa menyang negara Alengka.

Tembung kang nduweni teges kethek putih lan wakil/utusan yaiku tembung …

A.    rewandaseta

B.    sisik melik

C.    dhuta

D.    didhusta

2.     Anggone njujug menyang Alengka, Anoman mabur ing gegana lan bisa nyabrang samudra. Sawise tekan negara Alengka, Anoman banjur tumuju ing Taman Asoka. Ing sajroning taman, Dewi Sinta katon nandhang sungkawa, amarga tansah kelingan marang sang garwa yaiku Prabu Rama.

Kepriye gambarane papan lan swasana crita kasebut?

A.    Papane ana Taman Asoka

B.    Wayahe awan

C.    Kahanane Sinta sedhih, amarga kelingan garwane terus

D.    Rekasa olehe menyang Alengka

3.     Dewi Sinta bungah banget lan maringake susuk kondhene marang Anoman minangka pratandha menawa piyambake tansah ngantu-antu rawuhe sang garwa, yaiku Prabu Rama. Nalika lagi wawan pangandikan bab kahanane Prabu Rama, dumadakan konangan dening para prajurit Alengka. Anoman banjur kapikut dening Raden Indrajit.

Paraga kang sinebut ana ing pethikan crita wayang ing dhuwur yaiku …

A.    Dewi Sinta lan Prabu Rama

B.    Anoman lan Raden Indrajit

C.    Raden Lesmana

D.    Prabu Rahwana

4.     Gunawan Wibisana satriya kang luhur ing budi, piyambake ora nyetujoni anane perang. Perang mesthi gawe kurban, ngundang bebaya. Perang bisa ngrusak katentreman lan keslametane sesama. Apa maneh wis cetha yen kangmase dhewe wis nyolong Dewi Sinta. Rahwana iku dursila, angkara murka, ngrebut hake wong liya. Sinta kuwi hake Ramawijaya, mula kudu dibalekake marang Rama. Kuwi sajatine adil lan bener.

Kenang apa, Gunawan Wibisana ora setuju yen Prabu Rahwana arep perang?

A.    Perang bisa ngrusak katentreman lan keslametan sesama

B.    Wedi yen kalah mungsuh Anoman

C.    Rahwana sing luput ngrebut hake wong liya

D.    Sinta kudu dibalekake marang Rama

5.     Mireng pratelane Gunawan Wibisana, Rahwana nesu, nguman-uman adhine. Wibisana dianggep meri. Nanging Wibisana tetep ora nyetujoni tumindake kangmase. Wusana, negara Alengka ditinggal, banjur marani lan nyengkuyung Ramawijaya. Gunawan Wibisana mbelani sing adil, mbelani sing bener.

Kepriye watake Gunawan Wibisana miturut andharan ing paragraf kasebut?

A.    Manut karo kamase sing dur angkara

B.    Kendel mbelani bebener lan adil marang sapa wae

C.    Nyengkuyung Rahwana amarga dheweke pernah enom

D.    Ora nyetujoni tumindake kangmase (Rahwana)

II.               (Pilihan Ganda)

Pilihen salah sijine wangsulan, sing muturut panemumu paling bener!

1.     Anoman rewandaseta minangka dhutaning Prabu Rama kang diutus supaya golek sisik melik ana ngendi papane Dewi Sinta sawise didhusta dening Rahwana.

Miturut unggah-ungguhe, ukara kasebut migunakake basa …

A.    Ngoko lugu

B.    Ngoko alus

C.    Krama lugu

D.    Krama alus

 

2.     Anoman, putra saka Dewi Anjani lan Dewa Bayu iku kethek kang wulune sarwa putih, mula diarani …

A.    Rewandaseta

B.    Sekti mandraguna

C.    Dhutane Rama

D.    Satria tama

3.     Ukara ing ngisor iki, endi kang migunakake basa krama alus?

A.    Dewi Sinta bungah banget lan maringake susuk kondhene marang Anoman

B.    Anoman lajeng kakecrek saha kalarak ngadhep ing ngarsanipun nata Alengka.

C.    Anoman banjur kapikut dening Indrajit

D.    Mireng pratelane Gunawan Wibisana, Rahwana nesu banget

4.     Anggone njujug menyang Alengka, Anoman mabur ing gegana lan bisa nyabrang samudra.

Ukara kasebut meh padha tegese karo pratelan ing ngisor iki.

A.    Montor mabur iku mlakune liwat angkasa dene prau ana ing segara

B.    Pesawat iku nalika mabur bisa nglangkahi arga.

C.    Ing gisik akeh gesik sing resik lan endah disawang.

D.    Wong plesiran iku bisa ing ngendi wae, ana desa, kutha, utawa manca negara.

5.     “Sinta kuwi hake Ramawijaya, mula kudu dibalekake marang Rama. Kuwi sajatine adil lan bener”, ature Gunawan Wibisana. Mireng pratelane Gunawan Wibisana, Rahwana nesu, nguman-uman adhine. Wibisana dianggep meri. Nanging Wibisana tetep ora nyetujoni tumindake kangmase.

Paraga kang watake becik, lan paring pepeling marang kangmase sing luput, iku asmane …

A.    Ramawijaya

B.    Dewi Sinta

C.    Gunawan Wibisana

D.    Rahwana

6.     Pitutur luhur ing ngisor iki sing kurang trep miturut isine crita wayang, “Anoman Dhuta”, yaiku …

A.    Dadia wong kang wani mbelani bebener lan tumindak adil karo sapa wae.

B.    Aja umuk yen wis sugih

C.    Aja pamer karo wong sing mlarat

D.    Sing rukun karo sedulure senajan watake dak siya

7.     Kenang apa Gunawan Wibisana malah mbelani Raden Rama sing dadi mungsuhe kangmase?

A.    Jalaran ora rukun karo kangmase, Prabu Rahwana

B.    Amarga meri karo Rahwana sing duwe kuwasa minangka raja ing Alengka.

C.    Awit Raden Rama iku mungsuhe kangmase sing wis dicilakani.

D.    Awit Gunawan Wibisana iku bebudene luhur, ngerti sing bener lan adil  

8.     Kitab Kriskendhakandha nyritakake patemone Sang Rama karo raja kapi/kethek Sugriwa. Rama ngrewangi Sugriwa ngrebut kraton saka Subali, kangmase. Ing paprangan, Subali tiwas. Sugriwa dadi raja ing Kiskendha. Sabanjure Sang Rama lan Sugriwa sekuton lan bebarengan kanggo nggebug kraton Alengka.

Sapa sing dimaksud rajane kapi/kethek?

A.    Sugriwa

B.    Subali

C.    Rahwana

D.    Sang Rama

9.     Setting/latar pethikan crita wayang Sugriwa Subali mau, ing ngendi lan kepriye?

A.    Ing wana, gawe kisruh

B.    Ing kraton Alengka, kahanane kisruh

C.    Ana alas gedhe, padha gelut

D.    Jaman biyen ing sawijining kraton.

10.  Rewanda seta Anoman banjur mlumpat nyangkrik ing sandhuwure payon, karo ngobat-abitke buntute. Ora suwe payone kraton kobong, banjur mremen tekan wewangunan liyane. Latu mulad-mulad ngentekake barang-barang liyane. Kraton Alengka dadi karang abang, dadi segara geni.

Polahe Anoman kang kaya mangkono iku, nuduhake yen dheweke watake …

A.    Kemendel

B.     Kuwanen

C.     Kendel lan sekti

D.     Umuk amarga duwe kekuwatan.